الا يا نديبي ...

الا يانديبي فوق منجوبة اليابان
نبي نبعثك منشان عين حساويه
على جيب(ن) مغطى تقل صومعة رهبان
على لنبته من وجنة الزين ماريه
إليا ديس بانزينه وهبت هبوب عمان
قحص مثل رجل(ن) شاف جنب القدم حيه
ولا منك عطيته بالدبل من ورا برزان
تقل صوت مسجون يطالب بحريه
ولا اطلق شبح لشمر السايق الذرعان
تبا تلحق الفكسار لصاح جنيه
وياجاهل الفكسارهذاية الرحمن
واظم الركب فوقه لها الخلد مبنيه
تشوف المواتر واقفه تسنها الثيران
وهو وقفته وقفت اسد لعنبو حيه
ومن حبي الفكسار حبيت انا اليابان
غدولي عيال اعمام ولا أكثر شويه
اوصف حب(ن)فيه ولا فانا طفران
وهو ما ملكه إلا عباد(ن)غناويه
وانا لو حصلي مكنزه مثل هالحظران
ورا الباي تسم من فية دوم في فيه
علي الحرام اني لسوقه كما الربان
ووطي كفره في كل ارض(ن)خلاويه
ومشي على نجران واصبح على الصمان
ادور الوناسه والسفر روحه وجيه
وزاور حبيب الروح ابو منطق(ن) فتان
ابو حاجب(ن)سكبا ووجنات ورديه
لكن الدهر يابدر خوان بن خوان
وحظي لقلت اصحى يقول وش لكم فيه